Hmong
Kuv paub tias koj tseem mob,
tseem xav txog nws.
Koj yuav qhib tsis tau
koj lub siab rau leej twg
lub sij hawm no.
Qhov kuv ua tau
ces yog
ua tus phooj ywg
nyob ib sab
nrog lub siab ntev tos
txog hnub
koj lub siab txais tos kuv siab.
----Sylvia
Txhob Paub Txog
Thaum pom koj
Lub plaws dhia me ntsis
Pheej xav txog koj
Yog tsis muaj dab tsi
Xav qhia
Tiam sis ua tsis tau
Koj tseem muaj leej twg
Nyob hauv siab
Tseem nco txog
Tus uas koj mob siab
Kuv mam coj xws li qub
Kom koj txhob paub txog
Kuv lub siab
----Sylvia
"Kuv tsis mus! Kuv yuav nyob nrog neb xwb!" Paj Tsua sim mus hauv tsev. Nws thawb lub qhov rooj sib, sib zog. "Kuv tsis mus! Txhob kaw qhov rooj!" Nws lub kua muag pib ntws.
Ob Peb Xos Moo Ua Ntej
Rhuav Lus Cog
Lub caij dhau mus
los kuv tseem nco
txog cov lus wb cog.
Tsis paub sov koj puas nco.
Nco thiab tsis nco,
los kuv xav rhuav
wb cov lus cog
ua tsis muaj hnub
nws yuav tshwm sim.
----Sylvia
Hnub No Paub
Lub plaws dhia tu
thaum pom koj.
Tseem luag ntxhi
tab si tsis yog vim koj.
Hnub no
paub tias
qhov nyiam koj
tsis muaj kawm.
----Sylvia
Ntws Ces Tso
Txhua yam hloov tag.
Wb tsis zoo li qub lawm.
Koj mus koj.
Tab si,
Kuv tseem nyob li qub.
Kuv lub kua muag
tsis tau ntws rau koj.
Thaum twg nws ntws,
Ces yog hnub kuv tso tau koj mus.
----Sylvia
Dhia Ceev
Yog hmoo dab tsi
es hnub no kuv hos pom koj?
Rov pom koj ib pliag,
ua ces kuv lub plaws
dhia ceev ua luaj?
Tej zaum siab tseem nyiam koj.
----Sylvia
Ncauj Hais, Siab Paub
Lub ncauj tias tso
los tso tsis tau.
Ncauj tias tshuav txoj kev hlub ua luaj
li ib lub txhuv.
Tab si, nws luaj li txhia lub txhuv.
Lub ncauj tias tsis mob
los yeej mob.
Vim tuas tej hnub kuv tseem ntsib koj
thiab txhia hnub tseem xav txoj koj.
----Sylvia
Tseem Mob
Lub ncauj tias "tsis mob"
los nws yeej mob.
Lub siab no
tseem mob.
Tseem mob,
thaum nws pom koj
thiab xav txoj koj.
Kuv lub me siab
tseem mob
vim koj.
----Sylvia
Hmoob
Tsab sawv ntawm qhov chaw nkawv cog lus.
Ci taug kev mus nram Tsab nrog ib lub siab ntshai, ntshai. "Nyob zoo os."
Tsab tig los ntsib Ci thiab hais, "Nyob zoo os."
Nkawv sawv ntawd siab ib tug tau ib nyuag pliag. Ces, Tsab cia li taug kev mus ntawm Ci. Ci lub taub hau raws Tsab txhua kauj raum thaum Tsab taug kev mus ntawm nws. Tsab sawv ntawm Ci ib sab thiab qhaib nws cov ntiv tes nrog Ci cov.
Ci saib nkawv ob txhais tes ua sib qhaib. Ces, nws saib rau hauv Tsab lub qhov muag. Tsab lub qhov muag luag nyav.
Tsab mus ib kauj ruam tom ntej ntawm txoj kev ua nkawv nyob. Tsab pheej mus ib kauj raum, ib kauj ruam tom ntej ua rau nkawv ob txhais tes nyob hauv nruab nrab ntawm nkawv.
Ci saib pem Tsab nrog kev zoo siab thiab zoo siab hlo lawv Tsab qab mus txoj kev nkawv nyob. Ces Ci nrog Tsab taug kev ua ke mus txoj kev nkawv taug luag ntxhi.
---- 18
Hnub qub muaj puv ntuj.
Cas lub kuv xav tau
yog luag lub.
Thaum twg,
mam muaj ib lub hnub qub
ua yog kuv tus Nraug Hnub.
----Sylvia
Hmoob
"Ci, lawv nrhiav koj."
"Kuv los?"
Ci taug kev mus hauv tsev ces mus hauv qab daus. Txhua txhia lub qhov muag ntsia ntsoov Ci mus nram cov mej koob.
"Me ntxhais. Hnub no, tus me tub no lawv tuaj nqis tsev hais koj. Peb kom koj los no. Peb xav paub tias neb puas sib nyiam. Me ntxhais, koj puas nyiam tus me tub, Tsab?"
Ci tsa nws lub taub hau thaum nws hnov Tsab lub npe. Nws thiab Tsab lub qhov muag sib ntsia ib pliag. Tsab ntsais ib sab qhov muag rau Ci tiag ua rau Ci ntxhi me, me.
Ci teb txaj muag caw, "Kuv kuj nyiam Tsab thiab." Nws rov ntxhi me, me. Tsab kuj ntxhi luag nyav.
Mej koob coj Tsab thiab Ci mus txog vaj txog tsev. Lawv pe, qhib kaus, tiam mej koob, thiab tiam tub tshoob tub kos.
Tom qab Ci hloov ris tsho, Tsab coj Ci mus hauv tsheb thiab tsav mus deb, deb.
"Koj coj kuv mus qhov twg?" Ci nug.
"Ib pliag koj yeej yuav paub. Qi koj lub qhov muag os." Ci qi qhov muag thiab tsis hais ib los lus ntxiv.
Tsab nres tsheb.
"Txog lawm los? Kuv qhib-"
"Txhob nrawm mam qhib koj lub qhov muag." Tsab pab Ci tawm hauv tsheb. Nws coj Ci kev mus ib qhov chaw. Nws muaj Ci zaum ntawm ib lub pob zeb loj, loj. "Txog lawm os. Qhib koj lub qhov muag."
Ci qhib qhov muag. Nws saib, saib nkawv no qhov twg. Nws tiag hais luag ntxhi, "Qhov chaw no yog..."
"... qhov chaw wb cog lus." Tsab teb luag ntxhi.
14 Xyoo Dhau Los
