Untitled 1

     "Kuv tsis mus! Kuv yuav nyob nrog neb xwb!" Paj Tsua sim mus hauv tsev. Nws thawb lub qhov rooj sib, sib zog. "Kuv tsis mus! Txhob kaw qhov rooj!" Nws lub kua muag pib ntws.

Ob Peb Xos Moo Ua Ntej

Cov Lus Cog (Words of Promise) Ver. 4

Hmoob

     Tsab sawv ntawm qhov chaw nkawv cog lus.
     Ci taug kev mus nram Tsab nrog ib lub siab ntshai, ntshai. "Nyob zoo os."
     Tsab tig los ntsib Ci thiab hais, "Nyob zoo os."
     Nkawv sawv ntawd siab ib tug tau ib nyuag pliag. Ces, Tsab cia li taug kev mus ntawm Ci. Ci lub taub hau raws Tsab txhua kauj raum thaum Tsab taug kev mus ntawm nws. Tsab sawv ntawm Ci ib sab thiab qhaib nws cov ntiv tes nrog Ci cov.
     Ci saib nkawv ob txhais tes ua sib qhaib. Ces, nws saib rau hauv Tsab lub qhov muag. Tsab lub qhov muag luag nyav.
     Tsab mus ib kauj ruam tom ntej ntawm txoj kev ua nkawv nyob. Tsab pheej mus ib kauj raum, ib kauj ruam tom ntej ua rau nkawv ob txhais tes nyob hauv nruab nrab ntawm nkawv.
     Ci saib pem Tsab nrog kev zoo siab thiab zoo siab hlo lawv Tsab qab mus txoj kev nkawv nyob. Ces Ci nrog Tsab taug kev ua ke mus txoj kev nkawv taug luag ntxhi.

---- 18

Cov Lus Cog (Words of Promise) Ver. 3

Hmoob

     "Ci, lawv nrhiav koj."
     "Kuv los?"
     Ci taug kev mus hauv tsev ces mus hauv qab daus. Txhua txhia lub qhov muag ntsia ntsoov Ci mus nram cov mej koob.
     "Me ntxhais. Hnub no, tus me tub no lawv tuaj nqis tsev hais koj. Peb kom koj los no. Peb xav paub tias neb puas sib nyiam. Me ntxhais, koj puas nyiam tus me tub, Tsab?"
     Ci tsa nws lub taub hau thaum nws hnov Tsab lub npe. Nws thiab Tsab lub qhov muag sib ntsia ib pliag. Tsab ntsais ib sab qhov muag rau Ci tiag ua rau Ci ntxhi me, me.
     Ci teb txaj muag caw, "Kuv kuj nyiam Tsab thiab." Nws rov ntxhi me, me. Tsab kuj ntxhi luag nyav.
     Mej koob coj Tsab thiab Ci mus txog vaj txog tsev. Lawv pe, qhib kaus, tiam mej koob, thiab tiam tub tshoob tub kos.
     Tom qab Ci hloov ris tsho, Tsab coj Ci mus hauv tsheb thiab tsav mus deb, deb.
     "Koj coj kuv mus qhov twg?" Ci nug.
     "Ib pliag koj yeej yuav paub. Qi koj lub qhov muag os." Ci qi qhov muag thiab tsis hais ib los lus ntxiv.
     Tsab nres tsheb.
     "Txog lawm los? Kuv qhib-"
     "Txhob nrawm mam qhib koj lub qhov muag." Tsab pab Ci tawm hauv tsheb. Nws coj Ci kev mus ib qhov chaw. Nws muaj Ci zaum ntawm ib lub pob zeb loj, loj. "Txog lawm os. Qhib koj lub qhov muag."
     Ci qhib qhov muag. Nws saib, saib nkawv no qhov twg. Nws tiag hais luag ntxhi, "Qhov chaw no yog..."
     "... qhov chaw wb cog lus." Tsab teb luag ntxhi.

14 Xyoo Dhau Los

Cov Lus Cog (Words of Promise) Ver. 2

Hmoob

Ua cas kuv tuaj no? Kuv twb kom kuv tus kheej txhob tuaj. Kuv yeej paub tias kuv tsis ntsib koj. Koj twb mus yuav ib tug. Koj twb mus pib koj lub neej tshiab lawm. 

Thaum wb cog lus, cov nplooj zeeg zoo nkauj li koj. Thaum ntawm, kuv cog lus ua si nrog koj xwb. Ua cas ntev mus kuv xav kom nws muaj tseeb. 

Tab si no, cov nplooj zeeg zoo li kuv lub siab. Kuv cheem tsis tau lub siab kom txhob chim. Tus neeg kuv tsis tau hlub, hnub no kuv mam xav tso koj mus.

---- 32

Cov Lus Cog (Words of Promise) Ver. 1

Hmoob

Ua cas kuv tuaj no? Kuv twb hais rau kuv tus kheej txhob tuaj. Kuv yeej paub tias kuv yuav tsis ntsib koj. Koj twb mus yuav ib tug. Koj twb mus ua koj ib lub neej lawm.

Thaum wb cog lus, cov nplooj zeeg tau zoo nkauj. Thaum ntawm, kuv yeej paub tias yuav zoo li no tab si kuv tseem cog lus nrog koj. Kuv muaj cov lus cog ua kuv qhov kev cia siab tias wb yuav los nyob ua ke ib hnub.

Tab sib no, cov nplooj zeeg tuag, tuag. Kuv lub siab mob. Xav tsis txog hias tias qhov kuv xav muaj tseeb lawv tiag. Tus neeg kuv hlub ib vuag, hnub no kuv mam xav tso koj mus.

---- 30