Npaum Lub Hli

Npaum lub hli nyob deb
ua ci ntsa iab rau yus pom.
Yim ntsia 
yim ci dua qhov qub.
Yeej paub tias taws tsis tau
los tseem taws.
Txawm taws tsawg zog 
los tsis hnov mob.
Nyiam koj npaum lub hli.

----Sylvia

Siab Ntev Tos

Hmong

Kuv paub tias koj tseem mob,
tseem xav txog nws.
Koj yuav qhib tsis tau
koj lub siab rau leej twg
lub sij hawm no.
Qhov kuv ua tau
ces yog
ua tus phooj ywg
nyob ib sab
nrog lub siab ntev tos 
txog hnub 
koj lub siab txais tos kuv siab.

----Sylvia

Txhob Paub Txog

Txhob Paub Txog

Thaum pom koj

Lub plaws dhia me ntsis

Pheej xav txog koj

Yog tsis muaj dab tsi

Xav qhia

Tiam sis ua tsis tau

Koj tseem muaj leej twg

Nyob hauv siab

Tseem nco txog

Tus uas koj mob siab

Kuv mam coj xws li qub

Kom koj txhob paub txog

Kuv lub siab

----Sylvia

Untitled 1

     "Kuv tsis mus! Kuv yuav nyob nrog neb xwb!" Paj Tsua sim mus hauv tsev. Nws thawb lub qhov rooj sib, sib zog. "Kuv tsis mus! Txhob kaw qhov rooj!" Nws lub kua muag pib ntws.

Ob Peb Xos Moo Ua Ntej

Rhuv Lus Cog

Rhuav Lus Cog

Lub caij dhau mus
los kuv tseem nco
txog cov lus wb cog.
Tsis paub sov koj puas nco.
Nco thiab tsis nco,
los kuv xav rhuav
wb cov lus cog
ua tsis muaj hnub
nws yuav tshwm sim.

----Sylvia

Hnub No Paub

Hnub No Paub

Lub plaws dhia tu
thaum pom koj.
Tseem luag ntxhi
tab si tsis yog vim koj.
Hnub no
paub tias
qhov nyiam koj
tsis muaj kawm.

----Sylvia

Ntws Ces Tso

Ntws Ces Tso

Txhua yam hloov tag.
Wb tsis zoo li qub lawm.
Koj mus koj.
Tab si,
Kuv tseem nyob li qub.
Kuv lub kua muag
tsis tau ntws rau koj.
Thaum twg nws ntws,
Ces yog hnub kuv tso tau koj mus.

----Sylvia